*ఆంబేద్క‌ర్ భ‌వ‌న్ నిర్మల్ కే త‌ల‌మానికం*
*మూడున్నర ద‌శాబ్ధాల క‌ల నెర‌వేరింది*
*అంబేద్కర్ ఆడిటోరియం భవనాన్ని ప‌రిశీలించిన మంత్రి ఇంద్ర‌క‌ర‌ణ్ రెడ్డి*
*ఈ నెల 18న ఎస్సీ, మైనారిటీ శాఖ మంత్రి కొప్పుల ఈశ్వర్ తో క‌లిసి ప్రారంభించ‌నున్న మంత్రి ఇంద్ర‌క‌ర‌ణ్ రెడ్డి*
నిర్మల్, ఏప్రిల్ 6: నిర్మల్ జిల్లా కేంద్రంలో భార‌త ర‌త్న డా. బీఆర్. అంబేద్కర్ భ‌వ‌న్ ఏర్పాటుతో మూడున్నర ద‌శాబ్ధాల క‌ల నెర‌వేరింద‌ని అట‌వీ, ప‌ర్యావ‌ర‌ణ, న్యాయ, దేవాదాయ శాఖ మంత్రి అల్లోల ఇంద్ర‌క‌ర‌ణ్ రెడ్డి అన్నారు. సుమారు రూ. 5 కోట్ల వ్య‌యంతో నిర్మించిన అంబేడ్క‌ర్ భ‌వ‌న్ ను మంత్రి ఇంద్ర‌క‌ర‌ణ్ రెడ్డి ప‌రిశీలించారు. ఈ సంద‌ర్భంగా మంత్రి మాట్లాడుతూ… దివంగ‌త లోక్ స‌భ స్పీక‌ర్ బాల‌యోగి గ‌తంలో ఈ భ‌వ‌న నిర్మాణానికి రూ. 25 ల‌క్ష‌లు మంజూరు చేశార‌ని సుదీర్ఘ కాలంగా పెండింగ్ లో ఉన్న ఈ భ‌వ‌న నిర్మాణ ప‌నుల‌ను పూర్తి చేసేందుకు సీయం కేసీఆర్ ద‌శ‌ల వారీగా కేసీఆర్ నిధులు మంజూరు చేశార‌న్నారు. ఈ నెల 18న ఎస్సీ, మైనారిటీ శాఖ మంత్రి కొప్పుల ఈశ్వర్ తో క‌లిసి అంబేద్కర్ భ‌వ‌న్ ను ప్రారంభించుకుంటున్నామ‌ని వెల్ల‌డించారు. 2 వేల మందితో స‌మావేశం ఏర్పాటు చేసుకునేందుకు వీలుగా విశాల‌మైన ఆడిటోరియం, స‌మావేశ మందిరం, ఇత‌ర ఆధునాత‌న వ‌స‌తుల‌తో దీన్ని తీర్చిదిద్దార‌ని వెల్ల‌డించారు.
ఈ కార్య‌క్ర‌మంలో ఎమ్మెల్సీ దండే విఠ‌ల్ ఎమ్మెల్యేలు విఠ‌ల్ రెడ్డి, రేఖా శ్యాంనాయ‌క్, క‌లెక్ట‌ర్ ముశ్ర‌ఫ్ అలీ ఫారూఖీ, మున్సిప‌ల్ చైర్మ‌న్ గండ్ర‌త్ ఈశ్వర్, టీఆర్ఎస్ జిల్లా అధికార ప్ర‌తినిది ముడుసు స‌త్య‌నారాయ‌ణ, త‌దిత‌రులు ఉన్నారు.